PINIARNEQ // 2012

Piniarneq tassaavoq qisunnik pinnguaat meeqqat atuarfianni 5. aamma 6. klassinut naleqqussagaq. Tamatumani siunertaavoq siunissami imarsiortartussat imarsiorneq pillugu tunngaviusumik ilisimasariaqakkat pillugit nuannersumik unammillernartumillu ilinniartinnissaat.

Qisunnik pinnguaat atuartut qilanaartut 80-it peqatigalugit saqqummersinneqarpoq. Pinnguaat atuartunit peqataasunit tamanit nuannarineqarluarpoq, ullorlu taanna pinnguaat akeqanngitsumik pissarsiariniarsaralugu imminnut unammillutik. Ingammik nukappissat piniarneq pillugu ilisimasaminnik unammillerneqarnerminni uniffeqaratik pissangarrapput.

Pinnguaat Kalaallit Nunaannut immikkut naleqqusarlugu suliarineqarnera nukippassuarnik atuiffiunikuuvoq. Pinnguaat  apeqqutillu Kalaallit Nunaaanni innuttaasumut ilisariuminartunngorlugit sananeqarnikuupput. Pinnguaammi piniagassat soorlu nannut aarrillu pisarineqarnissaat siunertaavoq. Tamatta nalunngisatsitut isumannaallisaaneq atortullu nakkutigineqarnissaat piniartumut pingaaruteqarput. Taamaanngippat aallaqqaataanut utertinneqariaannaavoq.

Pinnguaammik inerisaasoq iluarusuttoq, Christian Kirk Muff, oqarpoq, kalaallit meerartaasa inuusuttaasalu piniarnissaminnut periarfissagissaarnerat nunarpassuarnit usorineqartartoq. Pinngortitami misigisinnaasagut assissaqanngitsut qujamasuutigisakkit, pinnguaallu aqqutigalugu piginnaasatit misilikkit – imarsiulertinnak isumannaatsuunissaq qulakkeeruk.

Piniarneq Empati suleqatigalugu inerisarneqarpoq. Pinnguaammik isumassarsisuupput ilinniartitsisut Jørgen Thompsen aamma Morten Vittrup.